(Backup) 拖男友入ifc殘廁 林芊妤纏綿30分鐘

http://bit.do/dfuhs Secret discount page at HandyBackup.
拖男友入ifc殘廁 林芊妤纏綿30分鐘 (Source: 頭條日報) iddy李悅彤好姊妹、同屬《耳分高下》節目Sing之天使嘅林芊妤Coffee今日做咗封面人物，被爆同一名三十歲上下嘅男子喺ifc飲完紅酒後不避嫌當眾錫錫攬攬啜啜，然後齊齊「好急」就去咗ifc殘疾人士專用洗手間喎，一入到去，即傳出一陣「碰撞聲」同深吸呼聲，噢，可能真係太醉，企唔穩。兩人對話中，更聽到女方要求去男方屋企......係嘅，屋企點都大過個商場廁格嘅。 Coffee今次上雜誌封面，係同一名三十歲左右，話有啲似阿叻陳百祥嘅男子，被拍到喺中環ifc食完cake睇完戲再飲完酒之後，忽然情緒高漲，更失去理智咁公然喺商場濕吻，之後就去咗商場個洗手間。 可能真係太醉喇，報道話佢哋雙雙入咗殘疾人士專用洗手間，當然係同一格啦，一入就成三十分鐘。報道仲話，兩人一入到去，即傳出一陣「碰撞聲」同深吸呼聲，噢，可能真係太醉，企唔穩。 因為隔住度門，當然睇唔到裡面兩人嘅醉態，但作為門外等候洗手間嘅人同清潔阿姐，可能就會好戥兩人擔心喇。跟手呢，報道話聽到該廁格傳來女聲話「我鍾意你，但覺得你玩我。」一男子就喺裡面，似被密室困住搞到呼吸唔到，應咗句：「我唔會，我好慢熱。」跟住又傳出一啲呼吸聲同撞擊，睇嚟佢兩個喺入面真係「好唔舒服」好醉喎。 同男子共處一廁格嘅Coffee，喺戰況咁亂之際，都仲可以保持清醒，同男方講：「你慢熱又咁快錫我？」原來兩人只係見咗兩三次，就足足喺同一個廁格成三十分鐘，不時呻吟碰撞... Liddy姊妹林芊妤發功啦！ 入咗廁所咁耐，又碰撞又盛，室內氧氣都用得七七八八喇，一心諗住去男方屋企再借廁所用嘅Coffee，冷不防一開門，已經有成村記者影緊佢同等緊佢。一臉驚惶嘅男子呆咗兩秒先至識擰歪面避鏡頭，最後佢索性——返番入廁格，唔知佢係又急過，定係該廁格有隨意門或者避道可以通去其他出口。 手足無措嘅Coffee更加驚到喺廁格門口左右亂竄，之後向商場方向極速逃去。報道指Coffee當時面對記者連番追問，只係話同個男子冇關係，又話同對方喺廁格乜嘢都冇做過。哦......記者再窮追不捨，問Coffee係咪兩杯落肚酒後亂性？明明頭先至話完同該名被指貌似阿叻嘅男子冇關係嘅Coffee，即改口話自己冇醉，仲話:「佢係我男朋友!」 講番頭先廁格中的男子，佢返番入廁格之後，唔知做咩呢，咁可能發現裡面冇隨意門又冇避道，惟有出番嚟，見記者鏡頭對準自己，該男子即遮面，飛奔離開，疾走衝落的士站。報道仲好精確咁話，男子一衝上的士，係「插水式」跳入後座——嘅凳底，即係話，佢塊面係同的士張地氈「親吻」，用個臀部俾大家影。 一個前言不對後語，一個就錫地氈，睇嚟佢哋真係好醉喎！ Coffee當晚同該男子喺ifc飲酒同上露天平台吹風期間，影到佢單拖去完洗手間之後，雙手按胸整理好個bra，令其34D咪咪更挺更圓渾。睇嚟Coffee最強武器，都係佢嘅「胸器」...... 數月前變單身 Coffee「廁格」斷正 四出求救 今次前「Sing之天使」、34D林芊妤(Coffee)今次喺ifc殘疾人士專用廁格同一男子「醉匿」30分鐘，令Coffee又成為新聞人物兼上埋封面。就連廁格內二人「真情」對話，以及疑似呻吟同撞擊聲都俾人錄晒，Coffee今次真係「水洗唔清」。 Coffee於報道中，三度「更正」同廁格男嘅關係，第一次係話唔識冇關係，第二次係指對方係佢男友，第三次係話兩人於廁格內gathering，只係傾偈，冇其他嘢。 但根據最新消息，原來Coffee於幾個月前已經同男友分手，而今次於ifc被撞破嘅癡纏男，就係Coffee新識嘅「朋友」。事發後，Coffee曾向身邊圈中好友，包括一眾Sing之天使求救，希望「廁格」事件唔好曝光。 擁有34D上圍嘅Coffee，今年25歲，前名林婉霞，本來只係part-time model，08年因為參演《耳分高下》，憑「Sing之天使」嘅「雪梨」一角開始殺入娛圈，更加同Liddy成為好姊妹。但係Coffee入行後代表作唔太多，憑《衝上雲霄2》用其34D強勁胸器胸壓馬國明而一戰成名，佢之前喺《畢打自己人》都晒過胸扮索模，非常豪爽賣大包，態度專業。其實佢仲曾演出《法網狙擊》扮演援交女，生擒森美輕解羅衣，一樣演得稱職瞓身。